FRIZANTEAM... i ciclisti cisti: Giro PEDALATA DI PRIMAVERA

E anche el giorno del grande raduno xe rivado.
La “Grande pedalada de primavera” pensada dal Diretivo Frizanteam e organizada come da volantin esposto in “sala convegno” in centrale, dal turno “C” e dal turno “A”, xe realtà.

Ale 9 e meza a San Giuseppe xe quasi tuti puntuali. Qualche mesagin....”speteme che rivo” ma ghe semo quasi tuti.

Se forma vari grupeti de ciclisti in atesa dela partenza. Qualche grupo par, vista l'atrezatura super hi-tech, che parti per un giro de profesionisti; altri in attesa che i ghe dia el via ala “Copa Kobram”.....

El primo susulto dela giornada se ga quando zo per la strada de San giusepe se vedi rivar un puntin
colorà che catura l'atenzio de tuti

“Ara quel....ma chi xe?” Un boato acogli Riki Koronica vestì tipo Stenmark che va a ciapar el skilift. Completin tipo “Gigi Rizzi”anni '70 e un bel scufioto in testa. “Cossa volè...stupidi! Ara che xe roba tecnica che doperavo per andar in bici co se metevi ancora i diti in tel naso !! No capì un cazzo!”....Ecco....”bongiorno”!

Bici marca “MORSELLI” comprada in via Salata. Come anche altre, ma che no fa altro che darghe punti in più a chi ga avù voia de partecipar nonostante el mezo.
Bravi Riki, Diego, Fabio, Emiliano, Roby e no me ricordo altri.

Bon se parti. Semo circa 25 de lori per cui el serpenton che se forma se dividi in gruppi in base all'andatura. Ma no xe pensieri. Ogni tanto se se speta e se se ricompata.

Quel che sucedi davanti no so perchè viagio in fondo al grupo con i meno alenadi, tra cui el nostro “Igmar” che dopo le galerie de val Rosandra el vedi per la prima volta la Madona. Breve sosta e se riparti

A Draga se riunimo al grupo e via andare.....

Rivemo cusì, pian pianin, ala fine dela ciclabile,

svolta a sinistra su per una breve “salita tecnica” e atachemo el Castellaro.

Qua la strada se impira un poco. Partenze scaglionade con l'apuntamento al bivio per girar e andar, finalmente in discesa, zo de “Flora”.

Per ciapar fià Riki se pipa un spagnoleto....no se sa mai.....D'altronde xe consiglià dai più grandi preparatori atletici del mondo !!!! Go sentì mi dir sta roba. Iera una riunion de sti luminari che go avù modo de seguir là de “Libero” in via risorta.

Comunque tra un'imprecazion e l'altra, con scambi de bici, quatro passi a pie per ciapar fià, semo tuti rivai in cima. Bravi muli !!

E via zo pel monte verso “Flora”

dove scata subito una bireta al banco.

Se sistememo dentro in un tavolon za pronto per noi e tra broche de bira, tartara, e carne con verdure ala piastra anche el pranzo xe fato.

A qualchedun star sentà senza pedalar ghe xe deleterio... ghe ciapa crampi... za suceso in Parenzana..

Comincia le prime defezioni causa impegni familiari e starde diverse per tornar a casa. Ma prima no pol mancar la foto ricodo de grupo...

Se ritrovemo a Draga de Mario per un caffè. Qualchedun un pelinkovec..

Ultimi saluti al parchegio de San Giusepe e …...”No se lasaremo miga come cani, no?”
No ah !!........”Si ma una bireta e via che stasera se lavora”.......Ovio ovio.........Ale 7 e un quarto ancora in bar a Catinara del se spera futuro sponsor "BAR ALEX" ragiunti da Attilio, membro del direttivo del “Frizanteam” ogi in borghese.!!!!! Iriducibili.