ma l'imprevisto se verifica dopo circa...
de fermo in sella comincia a sufiarghe la roda drio a Attilio, bu... ma come? Niente panico el ghe da una girada potente alla rioda e quel prodoto che el ga dentro fa el suo lavor, el buso se tappa... no gavevo mai visto, mi giro con camere d'aria de riserva, e dopo l'ultima volta che la se ga sbusado piegada nel sottosella, anche con i biechi! Devo modernizzarme!
Proseguimo, Coco varie volte resta indrio lamentando stanchezza e fame... ma con la frase magica "pensa al radler che ne speta" par che vadi meio. Tra una ciacola e l'altra pedalando l'argomento piu importante xe el solito: dove far el ristoro? El giro de oggi come tutti quei che femo ne offri un ventaglio de possibilità, in ogni caso no sara problemi, troveremo qualcossa, e intanto rivemo alla meta prefissata, San Canzian. Immancabile foto de rito
e via verso el ristoro. Eccone vizin de Divacia dove con scatti veloci e volatona ciapemo posto su un bel tavolo con panche sotto una pergola ombrosa in una conoba che conoseva el Cata e Tilio.
Ara che ben.. bibita, rebechin e quattro ridade in compagnia e semo pronti per rimontar in sella più performanti che mai.
Come lampi verso casa... ma a un certo punto perdemo Coco... speta speta, ma niente, strano dopo la marenda e radler de solito pedalemo meio... (val solo per noi del frizzanteam) niente a... tornemo indrio e drio una curva lo trovemo con la cadena in man, el radler ne da tropa potenza sulle gambe... Poco mal, ordegni gavemo e se risolvi anche questa...Unico neo gavemo sforado i tempi programmadi e fioi e mogli che comincia a ciamar... no xe ben, ma ormai fata la xe, alle due (14) ierimo casa.
Passemo a robe serie:
El ristoro enogastronomico xe sta fato de Margherita in zona Divacia.
Per la cronaca, cinque radler grandi, cinque birre picie due piatti de affettati... 20 juri totali.
Ga paga Coco... grazie Coco, a nome de tutti.
(Rapportin a cura de Fabio)
Nessun commento:
Posta un commento